Noch an jaar ist gant büar
Bainacht ist ambidar in de tüar.

Liichtar, galoiteche, stearn naach me beeghe
de khindar spiilnt froo im-me sneebe.

Noch an botta 's khint ist naach khemman
zei-bar barootet so mögan's borkhemman ?

Lega-bar pazaite pöozekhot un moolekhot
senkha-bar allen boole un froakhot.

Tüünan bool... zeint anloan sbeen börtar
badar ze zeint beart hemmest un hörtan.

Paita-bar mettanandar de hoolighe nacht
un met-me heertze ich gunne allen an Guuta Bainacht.

Hannes Vischofar